GEBRUCHSALEITIG:

Zerscht emal säg ich hoi !

Es isch e gueti Idee, dass Du d'Gebruchsaleitig tuesch läse, so weisch nachher prima Bscheid. Ich verzelle Dir jetzt so gnau wie möglich, wie min Chaländer funkzioniert. Zum 10jährige Jubiläum hämmer nämli alles echli umgschtaltet. Es isch jetzt viel übersichtlicher:




S'Bild won ich tuen umegumpe isch eifach zur Underhaltig.




Rächts devo, s'Bild mit de Nummere isch s'Wichtigscht.



Das isch de Apfänzkaländer. Hinder jedere Zahl gits e Gschicht. Und a jedem Tag wo Du verbii chunsch, chasch es Türli meh aaklicke. Zerscht nur s'1, dänn s'2 und so wiiter und so fort. Es isch also wichtig, dass Du jede Tag chunsch go luege, gäll, will suscht bini echli truurig. Verpasse chasch nüt. Will wänn de Tag verbi isch, mach ich s'Türli nöd wieder zue. Ich las es offe und Du chasch immer wieder die Täg wo scho verbii sind, go aaluege. Viellicht hät Dir ja öppis bsunders guet gfalle.



Direkt under em Nummerefeischter findsch d'GEBRUCHSALEITIG. Aber das mues ich dir ja nüme erchläre, Du bisch ja da, also häsch de Link gfunde.



Neu chasch jetzt mini liebschte Fründe no echli besser känne leere:



Klick eifach uf mini Fründe/Fründinne und scho gaht es Feischter uf, wo meh chasch erfahre über mini Gschpänli. Probiers us, es git sicher no öppis wo Du gar nöd gwüsst häsch.

Bim Stern, wo staht ›alles über Popi‹



findsch alles über mich. Klick eifach uf de Stern, dänn gaht e nöis Feischter uf und da erfahrsch alles über mich.



Im ARCHIV findsch alli alte Kaländer vom 2002 bis hüt. Wänn Du i de alte Kaländer möchtsch stöbere, dänn chasch das au. Ich han sie nöd versteckt. Dänn muesch eifach de Link ARCHIV drucke und im Feischter wo ufgaht de entsprächendi Kaländer uswähle. Alli Kaländer sind dete versorget. So chasch usläse, wele Kaländer Du nomal wettsch aaluege.



Und no öppis – wänn Du dine Fründe wettsch verzelle, das ich en Apfänzchaländer han, dänn mach das unschiniert. Ich han uh Freud, wänn ganz viel chlini und grossi Chinde bi mir ine lueged.





Bisch bi Facebook? Ja? Dänn chömmer dete Fründe werde.
Klick eifach uf s'Facebook-Logo und scho chunsch zu minere Facebook-Siite.



Alles klar? Häsch no Frage? Dänn chasch mer jederziit au es email schicke:
Ich freu mi.